ЭЦЭГ, ЭХ, АСРАН ХАМГААЛАГЧДЫН АНХААРАЛД
Тус цагдаагийн газрын жижүүрийн шуурхай албаны тусгай дугаар утсанд сүүлийн 7 хоногт гэрээсээ гараад хонуудаар алга болсон гэх 2 хүүхдийн мэдээлэл бүртгэгдсэн.
Уг мэдээллийн мөрөөр цагдаагийн алба хаагчид эрэн сурвалжлах ажлыг зохион байгуулан олж тогтоон ажиллаж байна.
Дээрх нөхцөл байдлын шалтгааныг тодруулахад тухайн хүүхдүүд нь эцэг, эхдээ хэлж, мэдэгдэхгүйгээр өөрсдийн дураар найз, нөхдийндөө очиж хоносон. Энэ байдал хүүхдийг ямар нэгэн эрсдэлт нөхцөл байдалд ороход нөлөөлдөг.
Эцэг, эх, асран хамгаалагчийн үүрэг, хариуцлагын талаар Монгол Улсын Гэмт хэрэг, зөрчлөөс урьдчилан сэргийлэх тухай хуулийн 31 дүгээр зүйл: 31.1.8-т "...үр хүүхэд, өөрийн асрамжид байгаа насанд хүрээгүй хүнийг гэмт хэрэг, зөрчлөөс урьдчилан сэргийлэх, гэмт хэрэг, зөрчилд холбогдуулахгүй байх" гэж заасан.
Аюулгүй иргэн-Амар тайван Өвөрхангайн төлөө хамтдаа